ishq-e-urdu hai mir hain hum bhi

'ishq-e-urdu hai 'mīr' haiñ ham bhī

ġham-kade ke asiir haiñ ham bhī

aao kuchh duur saath saath chaleñ

tum bhī ho rāhgīr haiñ ham bhī

kaj-kulāhī hai shān-e-sultānī

aap apnī nazīr haiñ ham bhī

ghar meñ bikhrī huī kitābeñ haiñ

ḳhush bahut haiñ amiir haiñ ham bhī

mas.ala koī mas.ala na rahā

apnī dhun meñ faqīr haiñ ham bhī

haath ḳhālī koī nahīñ jaatā

dast de dastgīr haiñ ham bhī

ham se raushan haiñ dil ke ā.īne

'mast' raushan-zamīr haiñ ham bhī

'ishq-e-urdu hai 'mir' hain hum bhi

gham-kade ke asir hain hum bhi

aao kuchh dur sath sath chalen

tum bhi ho rahgir hain hum bhi

kaj-kulahi hai shan-e-sultani

aap apni nazir hain hum bhi

ghar mein bikhri hui kitaben hain

KHush bahut hain amir hain hum bhi

masala koi masala na raha

apni dhun mein faqir hain hum bhi

hath KHali koi nahin jata

dast de dastgir hain hum bhi

hum se raushan hain dil ke aaine

'mast' raushan-zamir hain hum bhi