ishq ek hikayat hai sarfarosh duniya ki

'ishq ik hikāyat hai sarfarosh duniyā kī

hijr ik masāfat hai be-nigār sahrā kī

un ke rū-ba-rū nikle nutq o lafz be-mā'nī

baat hī 'ajab lekin ḳhāmushī ne paidā kī

vaqt ke tasalsul meñ ham ba-rañg-e-sho.ala the

umr-e-yak-nafas meñ bhī raushnī the duniyā kī

ham ko sahl-añgārī ġharq kar chukī hotī

himmat-āfrīñ niklī lahar lahar dariyā kī

yuuñ to vo farokash the jāda-e-rag-e-jāñ meñ

māvarā-e-imkāñ thī raushnī kaf-e-pā kī

sham-e-mahfil-e-yak-shab aur tūl-e-fikr itnā

kaun shaḳhs thā jis ne ārzū-e-fardā kī

ham bhī haiñ niko-sūrat ham bhī nek-sīrat haiñ

ham ne bandagī kī hai ik jamāl-e-ra.anā kī

'ishq ek hikayat hai sarfarosh duniya ki

hijr ek masafat hai be-nigar sahra ki

un ke ru-ba-ru nikle nutq o lafz be-ma'ni

baat hi 'ajab lekin KHamushi ne paida ki

waqt ke tasalsul mein hum ba-rang-e-shoala the

umr-e-yak-nafas mein bhi raushni the duniya ki

hum ko sahl-angari gharq kar chuki hoti

himmat-afrin nikli lahar lahar dariya ki

yun to wo farokash the jada-e-rag-e-jaan mein

mawara-e-imkan thi raushni kaf-e-pa ki

sham-e-mahfil-e-yak-shab aur tul-e-fikr itna

kaun shaKHs tha jis ne aarzu-e-farda ki

hum bhi hain niko-surat hum bhi nek-sirat hain

hum ne bandagi ki hai ek jamal-e-rana ki