عشق جب تک نہ آس پاس رہا
عشق جب تک نہ آس پاس رہا
حسن تنہا رہا اداس رہا
اک حسیں واہمہ حسیں دھوکا
مدتوں مرکز قیاس رہا
عشق کو اجنبی سمجھ کے ملا
حسن کتنا ادا شناس رہا
فصل گل میں ہجوم گل کی جگہ
ہر طرف اک ہجوم یاس رہا
کس کا دامن رہا ہے بے پیوند
کون آسودۂ لباس رہا
وہ جسے تیرا مستقل غم ہے
تیری محفل میں بھی اداس رہا
ہائے وہ خندۂ خفی کہ ظہیرؔ
دل پشیمان التماس رہا
مأخذ :
- کتاب : kulliyat-e-zahiir (Pg. 42)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
