ishq jo mearaj ka ek zina hai

ishq jo me.arāj kā ik ziina hai

ye hamārā maz.hab-e-pārīna hai

ab to ḳhud-bīnī ibādat ho ga.ī

rāt-din pesh-e-nazar ā.īna hai

vaa.iz ab bhī jurm hai kyā mai-kashī

chāñdnī hai aur shab-e-ādīna hai

jab se zulfoñ kā paḌā hai us meñ aks

dil mirā TuuTā huā ā.īna hai

sar-ba-mohr-e-dāġh karte haiñ 'azīz'

dil hamārā ishq kā ganjīna hai

ishq jo mearaj ka ek zina hai

ye hamara mazhab-e-parina hai

ab to KHud-bini ibaadat ho gai

raat-din pesh-e-nazar aaina hai

waiz ab bhi jurm hai kya mai-kashi

chandni hai aur shab-e-adina hai

jab se zulfon ka paDa hai us mein aks

dil mera TuTa hua aaina hai

sar-ba-mohr-e-dagh karte hain 'aziz'

dil hamara ishq ka ganjina hai