ishq ka humse nam baqi hai

ishq kā ham se naam baaqī hai

husn kā ehtirām baaqī hai

piine vaale to uTh ga.e kab ke

haañ magar daur-e-jām baaqī hai

shauq-e-dīdār-e-ḳhās ḳhatm huā

talab-e-dīd-e-ām baaqī hai

kis ko ḳhāsān-e-mai-kada haiñ yaad

mai-kade hī kā naam baaqī hai

bāvajūd-e-jafā-garī-e-ajal

zindagī kā davām baaqī hai

rūh-e-dair-o-haram se kaam nahīñ

ehtirām-e-maqām baaqī hai

dil meñ izzat na jazba-e-iḳhlās

rasm-o-rāh-e-salām baaqī hai

rahravo ye samajh ke chalte chalo

manzil ab chand gaam baaqī hai

kis ko parvā-e-nang-o-nām magar

havas-e-nang-o-nām baaqī hai

kuchh to ho shaġhl-e-bāda-e-gul-rang

kaif-e-gulfām-e-shām baaqī hai

jism āzād ho ga.e lekin

rūh-o-zehn-e-ġhulām baaqī hai

tere hī dam se kuchh na kuchh 'maġhmūm'

ābrū-e-kalām baaqī hai

ishq ka hum se nam baqi hai

husn ka ehtiram baqi hai

pine wale to uTh gae kab ke

han magar daur-e-jam baqi hai

shauq-e-didar-e-KHas KHatm hua

talab-e-did-e-am baqi hai

kis ko KHasan-e-mai-kada hain yaad

mai-kade hi ka nam baqi hai

bawajud-e-jafa-gari-e-ajal

zindagi ka dawam baqi hai

ruh-e-dair-o-haram se kaam nahin

ehtiram-e-maqam baqi hai

dil mein izzat na jazba-e-iKHlas

rasm-o-rah-e-salam baqi hai

rahrawo ye samajh ke chalte chalo

manzil ab chand gam baqi hai

kis ko parwa-e-nang-o-nam magar

hawas-e-nang-o-nam baqi hai

kuchh to ho shaghl-e-baada-e-gul-rang

kaif-e-gulfam-e-sham baqi hai

jism aazad ho gae lekin

ruh-o-zehn-e-ghulam baqi hai

tere hi dam se kuchh na kuchh 'maghmum'

aabru-e-kalam baqi hai