ishq ka raaz na kyun dil se numayan ho jae

ishq kā raaz na kyuuñ dil se numāyāñ ho jaa.e

kaash ye bhī kisī nākām kā armāñ ho jaa.e

nahīñ ummīd ki vo hashr-ba-dāmāñ ho jaa.e

aisā dīvāna jo ḳhud dāḳhil-e-zindāñ ho jaa.e

dard qaabū kā nahīñ kaash vo uTh kar shab-e-ġham

sarguzisht-e-dil-e-nāshād kā unvāñ ho jaa.e

na tasallī na dilāsā na kahīñ naam ko sabr

haif is dil pe ki yuuñ be-sar-o-sāmāñ ho jaa.e

ġhunche chaTkeñ ki khileñ phuul baḌhe josh-e-numū

husn-e-pinhāñ kisī unvāñ se numāyāñ ho jaa.e

ishq ka raaz na kyun dil se numayan ho jae

kash ye bhi kisi nakaam ka arman ho jae

nahin ummid ki wo hashr-ba-daman ho jae

aisa diwana jo KHud daKHil-e-zindan ho jae

dard qabu ka nahin kash wo uTh kar shab-e-gham

sarguzisht-e-dil-e-nashad ka unwan ho jae

na tasalli na dilasa na kahin nam ko sabr

haif is dil pe ki yun be-sar-o-saman ho jae

ghunche chaTken ki khilen phul baDhe josh-e-numu

husn-e-pinhan kisi unwan se numayan ho jae