ishq ke daur mein kuchh aise bhi pahlu aae

ishq ke daur meñ kuchh aise bhī pahlū aa.e

hañsnā chāhā to mirī āñkhoñ meñ aañsū aa.e

ik to vo phuul hī kāġhaz ke uThā laayā hai

is pe ye zid hai ki in phūloñ se ḳhushbū aa.e

tū kahāñ thā ki tujhe DhūñDne mere ghar tak

kabhī bhauñre kabhī titlī kabhī jugnū aa.e

bas ye hī soch ke har vaqt tujhe yaad kiyā

apnī yādoñ ke ta.āqub meñ kabhī to aa.e

merā sabr aur tire zulm-o-sitam tol sake

kaash ījād meñ aisā bhī tarāzū aa.e

tū hī us ḳhvāb kī ta.abīr batā kyoñ 'ḳhālid'

jism se mere tire jism kī ḳhushbū aa.e

ishq ke daur mein kuchh aise bhi pahlu aae

hansna chaha to meri aankhon mein aansu aae

ek to wo phul hi kaghaz ke uTha laya hai

is pe ye zid hai ki in phulon se KHushbu aae

tu kahan tha ki tujhe DhunDne mere ghar tak

kabhi bhaunre kabhi titli kabhi jugnu aae

bas ye hi soch ke har waqt tujhe yaad kiya

apni yaadon ke taaqub mein kabhi to aae

mera sabr aur tere zulm-o-sitam tol sake

kash ijad mein aisa bhi taraazu aae

tu hi us KHwab ki tabir bata kyon 'KHalid'

jism se mere tere jism ki KHushbu aae