ishq ke hathon mein parcham ke siwa kuchh bhi nahin

ishq ke hāthoñ meñ parcham ke sivā kuchh bhī nahīñ

us kā aalam tere aalam ke sivā kuchh bhī nahīñ

be-yaqīnī sū-e-zan īmān-e-nāqis kī dalīl

fikr-e-rāhat ḳhatra-e-ġham ke sivā kuchh bhī nahīñ

ham se pūchho ham batā.eñ ġhāyat-e-kaun-o-makāñ

kārgāh-e-ibn-e-ādam ke sivā kuchh bhī nahīñ

ātish-e-nafrat se ab duniyā hai aise moḌ par

dīda-var go ye jahannam ke sivā kuchh bhī nahīñ

yād-e-ayyāme ki ye bhī jān-e-razm-o-bazm the

jin ke paas ab chashm-e-pur-nam ke sivā kuchh bhī nahīñ

ham nahīñ minjumla ahl-e-razā kyuuñ kar kaheñ

jin ke lab par qissa-e-ġham ke sivā kuchh bhī nahīñ

ahl-e-duniyā ke liye jo abr-e-naisāñ thā 'urūj'

ab vo insāñ ashk-e-shabnam ke sivā kuchh bhī nahīñ

ishq ke hathon mein parcham ke siwa kuchh bhi nahin

us ka aalam tere aalam ke siwa kuchh bhi nahin

be-yaqini su-e-zan iman-e-naqis ki dalil

fikr-e-rahat KHatra-e-gham ke siwa kuchh bhi nahin

hum se puchho hum bataen ghayat-e-kaun-o-makan

kargah-e-ibn-e-adam ke siwa kuchh bhi nahin

aatish-e-nafrat se ab duniya hai aise moD par

dida-war go ye jahannam ke siwa kuchh bhi nahin

yaad-e-ayyame ki ye bhi jaan-e-razm-o-bazm the

jin ke pas ab chashm-e-pur-nam ke siwa kuchh bhi nahin

hum nahin minjumla ahl-e-raza kyun kar kahen

jin ke lab par qissa-e-gham ke siwa kuchh bhi nahin

ahl-e-duniya ke liye jo abr-e-naisan tha 'uruj'

ab wo insan ashk-e-shabnam ke siwa kuchh bhi nahin