ishq ke har asrar se waqif hain ye log
ishq ke har asrar se waqif hain ye log
Ustad Azmat Hussain Khan
MORE BYUstad Azmat Hussain Khan
'ishq ke har asrār se vāqif haiñ ye log
pūchh pate kī bāteñ in dīvānoñ se
chhoTī chhoTī bātoñ ko be-kār na jaan
ban jaate haiñ daur inhīñ afsānoñ se
apnoñ se jab Tuut ga.ī ummīd-e-vafā
ham ne naata joḌ liyā begānoñ se
dho dete ho jin kī ḳhākistar ke nishāñ
mahfil kī raunaq hai inhīñ parvānoñ se
tū ne kis āsānī se ai husn-e-azal
farzānoñ kā kaam liyā dīvānoñ se
sham' pe jal marne kī baat sar-e-mahfil
'maikash' kis ne pūchhī hai parvānoñ se
'ishq ke har asrar se waqif hain ye log
puchh pate ki baaten in diwanon se
chhoTi chhoTi baaton ko be-kar na jaan
ban jate hain daur inhin afsanon se
apnon se jab Tut gai ummid-e-wafa
hum ne nata joD liya beganon se
dho dete ho jin ki KHakistar ke nishan
mahfil ki raunaq hai inhin parwanon se
tu ne kis aasani se ai husn-e-azal
farzanon ka kaam liya diwanon se
sham' pe jal marne ki baat sar-e-mahfil
'maikash' kis ne puchhi hai parwanon se
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
