ishq ke imtihan se guzre hain

ishq ke imtihāñ se guzre haiñ

jaan kar ham bhī jaañ se guzre haiñ

ham batā.eñge hijr kī lazzat

ham bhī is imtihāñ se guzre haiñ

sar-e-manzil ġhubār sā kyā hai

kārvāñ kyā yahāñ se guzre haiñ

aaj bād-e-sabā meñ shoḳhī hai

ho na ho vo yahāñ se guzre haiñ

aao tum ko batā.eñ haal apnā

jāñ-nisārī meñ jaañ se guzre haiñ

haa.e kyā log the jo ab ke baras

nā-gahāñ is jahāñ se guzre haiñ

kyā qayāmat hai aaj vo bhī 'azīm'

bad-gumāñ bad-gumāñ se guzre haiñ

ishq ke imtihan se guzre hain

jaan kar hum bhi jaan se guzre hain

hum bataenge hijr ki lazzat

hum bhi is imtihan se guzre hain

sar-e-manzil ghubar sa kya hai

karwan kya yahan se guzre hain

aaj baad-e-saba mein shoKHi hai

ho na ho wo yahan se guzre hain

aao tum ko bataen haal apna

jaan-nisari mein jaan se guzre hain

hae kya log the jo ab ke baras

na-gahan is jahan se guzre hain

kya qayamat hai aaj wo bhi 'azim'

bad-guman bad-guman se guzre hain