ishq ki aanch mein sundarta ka bhi dhan jalta hai
ishq ki aanch mein sundarta ka bhi dhan jalta hai
Musavvir Sabzwari
MORE BYMusavvir Sabzwari
ishq kī aañch meñ sundartā kā bhī dhan jaltā hai
parvāne kī chitā par sham.a kā joban jaltā hai
agnī-bān haiñ terī nazreñ ā.īna mat dekh
tere shīsh-mahal kā ik ik darpan jaltā hai
rañg-rūp kī lau bhī nazar us bhed ko kyā jaane
ruup aayā hai gulshan par yā gulshan jaltā hai
jab jab sulge koī mohan yaad to barsoñ tak
miTTī kā Tiila āñkhoñ kā suunā ban jaltā hai
dil kī lagī kis or bujhe ik jalte dil ke saath
saarā pūrab pachchhim utar dakhkhan jaltā hai
mere soz-o-sāz ke rasiyā tujh ko kyā ma.alūm
saat suroñ kī aag meñ merā tan-man jaltā hai
añg añg meñ us ke 'musavvir' narm laveñ sī haiñ
jab vo haath meñ kañgan pahne kañgan jaltā hai
ishq ki aanch mein sundarta ka bhi dhan jalta hai
parwane ki chita par shama ka joban jalta hai
agni-ban hain teri nazren aaina mat dekh
tere shish-mahal ka ek ek darpan jalta hai
rang-rup ki lau bhi nazar us bhed ko kya jaane
rup aaya hai gulshan par ya gulshan jalta hai
jab jab sulge koi mohan yaad to barson tak
miTTi ka Tila aankhon ka suna ban jalta hai
dil ki lagi kis or bujhe ek jalte dil ke sath
sara purab pachchhim utar dakhkhan jalta hai
mere soz-o-saz ke rasiya tujh ko kya malum
sat suron ki aag mein mera tan-man jalta hai
ang ang mein us ke 'musawwir' narm lawen si hain
jab wo hath mein kangan pahne kangan jalta hai
- Book : Manghii dhire chal (Pg. 25)
- Author : Musavvir Sabzwari
- Publication : Nazish Book Center (1971)
- Edition : 1971
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
