ishq ki barbaadiyon ka ek yahi hasil sahi

ishq kī barbādiyoñ kā ik yahī hāsil sahī

tū nahīñ apnā to terā ġham sharīk-e-dil sahī

zindagī ko zindagī kī kuchh ḳhushī hāsil sahī

dard-e-mahrūmī sahī yā soz-e-dard-e-dil sahī

tū agar mumkin nahīñ to ġham bhī terā kam nahīñ

ek shai hāsil sahī aur ek be-hāsil sahī

sāmne un ke magar phir bhī nikal aate haiñ ashk

kitne hī pardoñ meñ pinhāñ rāz-e-soz-e-dil sahī

ḳhair ho yārab mire azm-o-yaqīñ kī ḳhair ho

laakh ehsās-e-fareb-e-dūrī-e-manzil sahī

justujū ne dost āḳhir justujū-e-dost hai

rahrav-e-rāh-e-talab gum-karda-e-manzil sahī

us kī ek ik aan par 'sābir' ke jān-o-dil nisār

istilāh-e-ām meñ mash.hūr vo qātil sahī

ishq ki barbaadiyon ka ek yahi hasil sahi

tu nahin apna to tera gham sharik-e-dil sahi

zindagi ko zindagi ki kuchh KHushi hasil sahi

dard-e-mahrumi sahi ya soz-e-dard-e-dil sahi

tu agar mumkin nahin to gham bhi tera kam nahin

ek shai hasil sahi aur ek be-hasil sahi

samne un ke magar phir bhi nikal aate hain ashk

kitne hi pardon mein pinhan raaz-e-soz-e-dil sahi

KHair ho yarab mere azm-o-yaqin ki KHair ho

lakh ehsas-e-fareb-e-duri-e-manzil sahi

justuju ne dost aaKHir justuju-e-dost hai

rahraw-e-rah-e-talab gum-karda-e-manzil sahi

us ki ek ek aan par 'sabir' ke jaan-o-dil nisar

istilah-e-am mein mashhur wo qatil sahi