عشق کی داستان کیا کہئے
خامشی ہے زبان کیا کہئے
ایک دل پر ہزار الزامات
صبر کا امتحان کیا کہئے
تیر و نشتر کی بات ہی کیا ہے
ہوں جو ابرو کمان کیا کہئے
دیکھ کر اک جمال رعنائی
آرزو ہے جوان کیا کہئے
شیوۂ حسن بے وفائی ہے
آپ سے مہربان کیا کہئے
منزل عشق ہے کٹھن یارو
شوق کا امتحان کیا کہئے
فطرت حسن ہے بہت بے باک
عشق ہے بے زبان کیا کہئے
ہے زعیم جہان شعر و ادب
خضر کا خاندان کیا کہئے
سادگی بھی ہے اور ندرت بھی
یہ نظرؔ کی زبان کیا کہئے
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
