ishq ki dastan kya kahiye
ishq kī dāstān kyā kahiye
ḳhāmushī hai zabān kyā kahiye
ek dil par hazār ilzāmāt
sabr kā imtihān kyā kahiye
tīr-o-nashtar kī baat hī kyā hai
hoñ jo abrū kamān kyā kahiye
dekh kar ik jamāl-e-ra.anā.ī
aarzū hai javān kyā kahiye
sheva-e-husn bevafā.ī hai
aap se mehrbān kyā kahiye
manzil-e-ishq hai kaThin yaaro
shauq kā imtihān kyā kahiye
fitrat-e-husn hai bahut bebāk
ishq hai be-zabān kyā kahiye
hai za.īm-e-jahān-e-sher-o-adab
ḳhizr kā ḳhāndān kyā kahiye
sādgī bhī hai aur nudrat bhī
ye 'nazar' kī zabān kyā kahiye
ishq ki dastan kya kahiye
KHamushi hai zaban kya kahiye
ek dil par hazar ilzamat
sabr ka imtihan kya kahiye
tir-o-nashtar ki baat hi kya hai
hon jo abru kaman kya kahiye
dekh kar ek jamal-e-ranai
aarzu hai jawan kya kahiye
shewa-e-husn bewafai hai
aap se mehrban kya kahiye
manzil-e-ishq hai kaThin yaro
shauq ka imtihan kya kahiye
fitrat-e-husn hai bahut bebak
ishq hai be-zaban kya kahiye
hai zaim-e-jahan-e-sher-o-adab
KHizr ka KHandan kya kahiye
sadgi bhi hai aur nudrat bhi
ye 'nazar' ki zaban kya kahiye
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
