ishq ki jaise hi tashhir hui

'ishq kī jaise hī tash.hīr huī

zindagī ranj se tā'bīr huī

dhuup meñ rakh ke koī bhuul gayā

dil-lagī kī yahī tā'zīr huī

dil ke ā.īne pe chāhat kā dhamāl

rang bikhrā tirī tasvīr huī

chashm-e-nam chand ġhazal aur bayāz

‘ishq-zādoñ kī ye jāgīr huī

paḌ ga.ī chehre pe ālām kī gard

bebasī paañv kī zanjīr huī

kūza-gar ne hī jise pheñk diyā

aisī miTTī kī bhī tauqīr huī

tere malbūs kī afsurda mahak

shahr-e-kam-zarf kī taqdīr huī

'ishq ki jaise hi tashhir hui

zindagi ranj se ta'bir hui

dhup mein rakh ke koi bhul gaya

dil-lagi ki yahi ta'zir hui

dil ke aaine pe chahat ka dhamal

rang bikhra teri taswir hui

chashm-e-nam chand ghazal aur bayaz

‘ishq-zadon ki ye jagir hui

paD gai chehre pe aalam ki gard

bebasi panw ki zanjir hui

kuza-gar ne hi jise phenk diya

aisi miTTi ki bhi tauqir hui

tere malbus ki afsurda mahak

shahr-e-kam-zarf ki taqdir hui