ishq ki mazbut bahon mein simaT kar aa gai

ishq kī mazbūt bāhoñ meñ simaT kar aa ga.ī

us ne kuchh aise pukārā maiñ palaT kar aa ga.ī

zindagī ākāsh meñ uḌtī huī sī ik patang

mere hāthoñ meñ na jaane kaise kaT kar aa ga.ī

nāḳhudā sāhil pe mujh ko dekhtā hī rah gayā

merī TuuTī naav tūfāñ se nimaT kar aa ga.ī

mere purkhoñ kī virāsat bhā.iyoñ ne baañT lī

mere hisse meñ bhī kuchh thoḌī sī ghaT kar aa ga.ī

kuchh to majbūrī rahī hoñgī bhare bāzār meñ

bā-hayā laḌkī naqāb-e-ruḳh ulaT kar aa ga.ī

ek titlī bhī kisī andhī mohabbat kī tarah

phuul se yaarī thī kāñToñ se lipaT kar aa ga.ī

ishq ki mazbut bahon mein simaT kar aa gai

us ne kuchh aise pukara main palaT kar aa gai

zindagi aakash mein uDti hui si ek patang

mere hathon mein na jaane kaise kaT kar aa gai

naKHuda sahil pe mujh ko dekhta hi rah gaya

meri TuTi naw tufan se nimaT kar aa gai

mere purkhon ki wirasat bhaiyon ne banT li

mere hisse mein bhi kuchh thoDi si ghaT kar aa gai

kuchh to majburi rahi hongi bhare bazar mein

ba-haya laDki naqab-e-ruKH ulaT kar aa gai

ek titli bhi kisi andhi mohabbat ki tarah

phul se yari thi kanTon se lipaT kar aa gai