ishq ki shama kare dil mein farozan koi

ishq kī sham.a kare dil meñ farozāñ koī

phir na ho tīrgī-e-zīst kā sāmāñ koī

lazzat-e-ishq se vāqif jo ho nādāñ koī

duur dil se na kare phir ġham-e-jānāñ koī

rahā mahrūm shahādat se bhī maiñ vā.e-nasīb

zab.h karne ko gayā bhuul rag-e-jāñ koī

rah ke duniyā meñ raheñ duur ham us se kyūñkar

apne sāthī se judā hotā hai insāñ koī

chain se soyā vahī duur jo duniyā se rahā

dekh le jā ke zarā shahr-e-ḳhamoshāñ koī

ek qatra bhī nahīñ ḳhuun kā baaqī 'jauhar'

kaise dekhe bharī āñkhoñ ko gul-afshāñ koī

ishq ki shama kare dil mein farozan koi

phir na ho tirgi-e-zist ka saman koi

lazzat-e-ishq se waqif jo ho nadan koi

dur dil se na kare phir gham-e-jaanan koi

raha mahrum shahadat se bhi main wae-nasib

zabh karne ko gaya bhul rag-e-jaan koi

rah ke duniya mein rahen dur hum us se kyunkar

apne sathi se juda hota hai insan koi

chain se soya wahi dur jo duniya se raha

dekh le ja ke zara shahr-e-KHamoshan koi

ek qatra bhi nahin KHun ka baqi 'jauhar'

kaise dekhe bhari aankhon ko gul-afshan koi