ishq ko aankh mein jalte dekha
ishq ko aañkh meñ jalte dekhā
phuul ko aag meñ khilte dekhā
ishq ke raaz na pūchho sāhab
ishq ko daar pe chaḌhte dekhā
ishq ke daam bhī lag jaate haiñ
misr meñ us ko bikte dekhā
ishq hai vājib us ko ham ne
jism aur jaañ meñ utarte dekhā
us ko havas kā naam na denā
lauh pe us ko likhte dekhā
arsh bhī hairat se taktā thā
dasht meñ us ko palte dekhā
ishq anokhā manzar jis meñ
raaz ko ḳhvāb meñ Dhalte dekhā
hijr kā zaḳhm to zaḳhm hai aisā
baḳhiya-garoñ se bhī khulte dekhā
ishq vo baaġh hai jis ko ham ne
hijr kī rut meñ mahakte dekhā
ġham kyā hijr aur visāl kā us ko
ishq meñ jis ko bhaTakte dekhā
ishq ko aankh mein jalte dekha
phul ko aag mein khilte dekha
ishq ke raaz na puchho sahab
ishq ko dar pe chaDhte dekha
ishq ke dam bhi lag jate hain
misr mein us ko bikte dekha
ishq hai wajib us ko hum ne
jism aur jaan mein utarte dekha
us ko hawas ka nam na dena
lauh pe us ko likhte dekha
arsh bhi hairat se takta tha
dasht mein us ko palte dekha
ishq anokha manzar jis mein
raaz ko KHwab mein Dhalte dekha
hijr ka zaKHm to zaKHm hai aisa
baKHiya-garon se bhi khulte dekha
ishq wo bagh hai jis ko hum ne
hijr ki rut mein mahakte dekha
gham kya hijr aur visal ka us ko
ishq mein jis ko bhaTakte dekha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
