عشق کو کامیاب ہونا تھا
عشق کو کامیاب ہونا تھا
آپ کو بے نقاب ہونا تھا
کیا شکایت ترے تغافل کی
ختم میرا شباب ہونا تھا
آپ نے ہوش کھو دئے میرے
آج ہی بے نقاب ہونا تھا
کیوں نہ دل چھین کر وہ لے جاتے
زندگی کو خراب ہونا تھا
ان حسینوں کے ظلم سہنے کو
میرا ہی انتخاب ہونا تھا
کیوں زلیخا کا خواب بن نہ گیا
گر مجھے کامیاب ہونا تھا
چیر کر دل کو دل سے نکلی تھی
آہ کو کامیاب ہونا تھا
مل کے شنکرؔ سے آج اس نے کہا
تجھ کو مست شراب ہونا تھا
مأخذ :
- کتاب : Dair-o-Haram (Pg. 41)
- Author : Shankar Lal Shankar
- مطبع : Sahir Hoshiyaar puri
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
