ishq ko pas-e-wafa aaj bhi karte dekha

ishq ko pās-e-vafā aaj bhī karte dekhā

ek patthar ke liye jī se guzarte dekhā

past ġhāroñ ke añdheroñ meñ jo le jaatī haiñ

vo uḌāneñ bhī to insān ko bharte dekhā

jabhī laa.ī hai sabā mausam-e-gul kī aahaT

barg afsurda hue shāḳhoñ ko Darte dekhā

tirī dahlīz pe gardish kā guzar kyā ma.anī

tujh ko jab dekhā hai kuchh bante sañvarte dekhā

be-sadā hī sahī par sañg-e-sifat haiñ lamhe

un kī āġhosh meñ har shai ko bikharte dekhā

jo bhī biitī sar-e-farhād pe biitī 'najmī'

kisī 'parvez' ko teshe se na marte dekhā

ishq ko pas-e-wafa aaj bhi karte dekha

ek patthar ke liye ji se guzarte dekha

past ghaaron ke andheron mein jo le jati hain

wo uDanen bhi to insan ko bharte dekha

jabhi lai hai saba mausam-e-gul ki aahaT

barg afsurda hue shaKHon ko Darte dekha

teri dahliz pe gardish ka guzar kya mani

tujh ko jab dekha hai kuchh bante sanwarte dekha

be-sada hi sahi par sang-e-sifat hain lamhe

un ki aaghosh mein har shai ko bikharte dekha

jo bhi biti sar-e-farhad pe biti 'najmi'

kisi 'parwez' ko teshe se na marte dekha