عشق کو رنگ مستقل اے مرے چارہ ساز دے

عشق کو رنگ مستقل اے مرے چارہ ساز دے

ساز نہ دے تو سوز دے سوز نہ دے تو ساز دے

اپنی حقیقتوں سے تو حسب طلب نواز دے

لا مرے دست شوق میں آئنہ مجاز دے

میرا شعور ضبط کیوں چارہ گروں کو راز دے

جس نے دیا تھا زخم دل کاش وہی نواز دے

آ مرے جذب شوق کو مرتبۂ ایاز دے

نذر کروں میں دل تجھے تو مجھے اپنا راز دے

بادہ و جام کی طرف اس کی نظر اٹھے گی کیا

جس کو سرور مستقل تیری نگاہ ناز دے

میں نے بہارؔ اک وہ گل چن لیا کائنات میں

جس کی ہر اک ادا مجھے فکر غزل نواز دے