ishq manus-e-iltija na hua

ishq mānūs-e-iltijā na huā

husn āzurda-e-jafā na huā

jaisā chāhā banā liyā tum ne

ik khilaunā huā ḳhudā na huā

but ḳhudā ban ke baar baar aa.e

maiñ hī sharminda-e-duā na huā

sab ġhalat-fahmiyāñ hī miT jātīñ

dil sazā-vār-e-iltijā na huā

haa.e majbūriyāñ mohabbat kī

maiñ ḳhafā ho ke bhī ḳhafā na huā

jaane lā kar kahāñ Dubo detā

ḳhair guzrī vo nāḳhudā na huā

aabrū kā tirī ḳhayāl aayā

mujh ko marne kā hausla na huā

ishq manus-e-iltija na hua

husn aazurda-e-jafa na hua

jaisa chaha bana liya tum ne

ek khilauna hua KHuda na hua

but KHuda ban ke bar bar aae

main hi sharminda-e-dua na hua

sab ghalat-fahmiyan hi miT jatin

dil saza-war-e-iltija na hua

hae majburiyan mohabbat ki

main KHafa ho ke bhi KHafa na hua

jaane la kar kahan Dubo deta

KHair guzri wo naKHuda na hua

aabru ka teri KHayal aaya

mujh ko marne ka hausla na hua