ishq mein ab ke hamein jaan se guzarna bhi to hai

ishq meñ ab ke hameñ jaañ se guzarnā bhī to hai

kaam hone kā nahīñ kaam ye karnā bhī to hai

aur phir sāmne hai ḳhāk-nashīnoñ kā jahāñ

ye qadam ham ne kisī ḳhaak pe dharnā bhī to hai

aur ik kaam nikal aatā hai har kaam ke beach

hameñ jiinā hī nahīñ hai hameñ marnā bhī to hai

shahr meñ aur bhī hogā koī ḳhush-ḳhū tujh sā

āḳhir-e-kār tere zaḳhmoñ ne bharnā bhī to hai

ham se be-māya hī taqdīr haiñ is aalam kī

ḳhaak ne chehra-e-daurāñ pe bikharnā bhī to hai

nahīñ aisā bhī jarī koī magar is dil ne

kisī andesha-e-be-nām se Darnā bhī to hai

jab ye tai hai ki nahīñ lauT ke aanā ham ko

Dūbnā hai to kahīñ paar utarnā bhī to hai

ishq mein ab ke hamein jaan se guzarna bhi to hai

kaam hone ka nahin kaam ye karna bhi to hai

aur phir samne hai KHak-nashinon ka jahan

ye qadam hum ne kisi KHak pe dharna bhi to hai

aur ek kaam nikal aata hai har kaam ke beach

hamein jina hi nahin hai hamein marna bhi to hai

shahr mein aur bhi hoga koi KHush-KHu tujh sa

aaKHir-e-kar tere zaKHmon ne bharna bhi to hai

hum se be-maya hi taqdir hain is aalam ki

KHak ne chehra-e-dauran pe bikharna bhi to hai

nahin aisa bhi jari koi magar is dil ne

kisi andesha-e-be-nam se Darna bhi to hai

jab ye tai hai ki nahin lauT ke aana hum ko

Dubna hai to kahin par utarna bhi to hai