ishq mein sab kuchh luTa kar chal diye

ishq meñ sab kuchh luTā kar chal diye

apnī qismat aazmā kar chal diye

rāh-e-mushkil be-nishāñ thī ham magar

har qadam manzil banā kar chal diye

jitne jugnū tīrgī meñ mil ga.e

sab ko dāman meñ chhupā kar chal diye

ik diyā thā rahguzar pe bujh chukā

us diye ko ham jalā kar chal diye

kar ke maiḳhāne ko ham ne alvidā.a

dil ko but-ḳhāna banā kar chal diye

ishq mein sab kuchh luTa kar chal diye

apni qismat aazma kar chal diye

rah-e-mushkil be-nishan thi hum magar

har qadam manzil bana kar chal diye

jitne jugnu tirgi mein mil gae

sab ko daman mein chhupa kar chal diye

ek diya tha rahguzar pe bujh chuka

us diye ko hum jala kar chal diye

kar ke maiKHane ko hum ne alwidaa

dil ko but-KHana bana kar chal diye