ishq mein wo badnam hua hai

ishq meñ vo badnām huā hai

charchā us kā aam huā hai

haq-goī hī un kī ḳhatā thī

jin kā qatl-e-ām huā hai

is dil par kyā haq hai merā

ye dil tere naam huā hai

ik ablā kī hamdardī meñ

vo nāhaq badnām huā hai

saaqī ham par bhī ho tavajjoh

ḳhālī kab kā jaam huā hai

saaf harīfoñ kī sāzish thī

sābit kab ilzām huā hai

ishq kī kyā ho qadr vahāñ par

husn jahāñ nīlām huā hai

'shāz' kī qismat hai kuchh aisī

vo aksar nākām huā hai

ishq mein wo badnam hua hai

charcha us ka aam hua hai

haq-goi hi un ki KHata thi

jin ka qatl-e-am hua hai

is dil par kya haq hai mera

ye dil tere nam hua hai

ek abla ki hamdardi mein

wo nahaq badnam hua hai

saqi hum par bhi ho tawajjoh

KHali kab ka jam hua hai

saf harifon ki sazish thi

sabit kab ilzam hua hai

ishq ki kya ho qadr wahan par

husn jahan nilam hua hai

'shaz' ki qismat hai kuchh aisi

wo aksar nakaam hua hai