ishq ne daera bana rakkha

ishq ne dā.era banā rakkhā

raqs meñ phir mujhe sadā rakkhā

nīm-ḳhvābīda us kī āñkhoñ pe

hosh vāloñ ne sab luTā rakkhā

ḳhāna-e-dil meñ dhaḌkanoñ ne sadā

vird bas lā ilāha kā rakkhā

maiñ ne pūchhā jo apne baare meñ

us ne phūloñ meñ aa.ina rakkhā

diip rakkhe haiñ chaar samtoñ meñ

pāñchveñ dar pe dil jalā rakkhā

ham ne tā-umr terī rāhoñ meñ

farsh-e-dil aur jaañ bichhā rakkhā

ishq meñ āshnā parastoñ ne

ik sanam ek hī ḳhudā rakkhā

vaqt-e-ruḳhsat thā mujh meñ bain magar

qahqahe ne bharam mirā rakkhā

sañg-bārī meñ vo bhī shāmil thā

taḳht par jis ko thā biThā rakkhā

niilā paḌne lagā badan merā

āstīñ meñ ye tū ne kyā rakkhā

phir thakī haarī ek ḳhvāhish ne

zānū-e-shab pe sar ko jā rakkhā

us pe martī jo na to kyā kartī

jis ne apnā mujhe sadā rakkhā

ham bhī tasvīr se nikal aa.e

us ne bhī bāzūoñ ko vā rakkhā

ruuh kī be-qarārī par tū ne

haath rakkhā ki mo.ajiza rakkhā

kāsa-e-dil meñ ik savālī ne

chuum kar ek naqsh-e-pā rakkhā

mere mālik kī mehrbānī ne

mujh pe tauba kā dar khulā rakkhā

ek sūkhā huā shajar 'jīnā'

ġham ne tere harā-bharā rakkhā

ishq ne daera bana rakkha

raqs mein phir mujhe sada rakkha

nim-KHwabida us ki aankhon pe

hosh walon ne sab luTa rakkha

KHana-e-dil mein dhaDkanon ne sada

wird bas la ilaha ka rakkha

main ne puchha jo apne bare mein

us ne phulon mein aaina rakkha

dip rakkhe hain chaar samton mein

panchwen dar pe dil jala rakkha

hum ne ta-umr teri rahon mein

farsh-e-dil aur jaan bichha rakkha

ishq mein aashna paraston ne

ek sanam ek hi KHuda rakkha

waqt-e-ruKHsat tha mujh mein bain magar

qahqahe ne bharam mera rakkha

sang-bari mein wo bhi shamil tha

taKHt par jis ko tha biTha rakkha

nila paDne laga badan mera

aastin mein ye tu ne kya rakkha

phir thaki haari ek KHwahish ne

zanu-e-shab pe sar ko ja rakkha

us pe marti jo na to kya karti

jis ne apna mujhe sada rakkha

hum bhi taswir se nikal aae

us ne bhi bazuon ko wa rakkha

ruh ki be-qarari par tu ne

hath rakkha ki moajiza rakkha

kasa-e-dil mein ek sawali ne

chum kar ek naqsh-e-pa rakkha

mere malik ki mehrbani ne

mujh pe tauba ka dar khula rakkha

ek sukha hua shajar 'jina'

gham ne tere hara-bhara rakkha