ishq ras aaega paband-e-nazar hone tak

'ishq raas aa.egā pāband-e-nazar hone tak

us ke jalve nazar ā.eñge sahar hone tak

aap tashrīf to le aa.eñ karam to farmā.eñ

ghar ko kuchh der to lag jā.egī ghar hone tak

terī yādoñ ke charāġhoñ se sajāyā hai ise

dil zarā Thahre tirī rāhguzar hone tak

raat kī raat hai ye ġham kī ijāra-dārī

phuul ban jā.eñge ye ashk sahar hone tak

ab yahī bachcha batā.egā tumheñ har rasta

ab yahī tuḳhm hī phal degā shajar hone tak

dil bhī un kā hai nazar bhī hai jigar bhī un kā

ham idhar ke kahāñ rah paa.e udhar hone tak

gesū-e-shab kī ye afshāñ bhī bikhar jā.egī

niiñd aa jā.egī tāroñ ko sahar hone tak

aaj 'fārūq' mohabbat meñ aziyyat hai bahut

raas aa jā.egī kal ḳhūn-e-jigar hone tak

'ishq ras aaega paband-e-nazar hone tak

us ke jalwe nazar aaenge sahar hone tak

aap tashrif to le aaen karam to farmaen

ghar ko kuchh der to lag jaegi ghar hone tak

teri yaadon ke charaghon se sajaya hai ise

dil zara Thahre teri rahguzar hone tak

raat ki raat hai ye gham ki ijara-dari

phul ban jaenge ye ashk sahar hone tak

ab yahi bachcha bataega tumhein har rasta

ab yahi tuKHm hi phal dega shajar hone tak

dil bhi un ka hai nazar bhi hai jigar bhi un ka

hum idhar ke kahan rah pae udhar hone tak

gesu-e-shab ki ye afshan bhi bikhar jaegi

nind aa jaegi taron ko sahar hone tak

aaj 'faruq' mohabbat mein aziyyat hai bahut

ras aa jaegi kal KHun-e-jigar hone tak