ishq se bach ke kidhar jaenge hum

ishq se bach ke kidhar jā.eñge ham

hai ye maujūd jidhar jā.eñge ham

tan ke bas rakhiye qabza par haath

dekhiye muft meñ Dar jā.eñge ham

terī dahlīz par apne sar ko

ek din kaaT ke dhar jā.eñge ham

vo ye kahte haiñ na de dil ham ko

dekh lete hī mukar jā.eñge ham

man.a karte ho abas yaaro aaj

us ke ghar jā.eñge par jā.eñge ham

dil kī lenī hai ḳhabar ham ko zarūr

aaj to phir bhī udhar jā.eñge ham

dam kahīñ leñge na phir tā-ba-adam

tere kūcha se agar jā.eñge ham

tū na guzregā jafā se zālim

jaan se apnī guzar jā.eñge ham

ziist baaqī hai to apnā 'rañgīñ'

naam is ishq meñ kar jā.eñge ham

ishq se bach ke kidhar jaenge hum

hai ye maujud jidhar jaenge hum

tan ke bas rakhiye qabza par hath

dekhiye muft mein Dar jaenge hum

teri dahliz par apne sar ko

ek din kaT ke dhar jaenge hum

wo ye kahte hain na de dil hum ko

dekh lete hi mukar jaenge hum

mana karte ho abas yaro aaj

us ke ghar jaenge par jaenge hum

dil ki leni hai KHabar hum ko zarur

aaj to phir bhi udhar jaenge hum

dam kahin lenge na phir ta-ba-adam

tere kucha se agar jaenge hum

tu na guzrega jafa se zalim

jaan se apni guzar jaenge hum

zist baqi hai to apna 'rangin'

nam is ishq mein kar jaenge hum