ishq se yar baghawat nahin karne wale

ishq se yaar baġhāvat nahīñ karne vaale

ab tire qalb se hijrat nahīñ karne vaale

ya.anī ham terī jagah aur kisī ko de kar

dūsrī baar mohabbat nahīñ karne vaale

zulm karnā hai karo tum ko ijāzat hai ki ham

rab se kyā ḳhud se shikāyat nahīñ karne vaale

hijr ke zaḳhm pe qurbat kā lagā kar marham

apne zaḳhmoñ kī himāyat nahīñ karne vaale

dil ke zaḳhmoñ ko jagātī haiñ rulātī haiñ so ham

ārzūoñ kī kifālat nahīñ karne vaale

dasht meñ jā ke phaTe kapḌe pahan kar 'zoyā'

ham to majnūñ kī qayādat nahīñ karne vaale

ishq se yar baghawat nahin karne wale

ab tere qalb se hijrat nahin karne wale

yani hum teri jagah aur kisi ko de kar

dusri bar mohabbat nahin karne wale

zulm karna hai karo tum ko ijazat hai ki hum

rab se kya KHud se shikayat nahin karne wale

hijr ke zaKHm pe qurbat ka laga kar marham

apne zaKHmon ki himayat nahin karne wale

dil ke zaKHmon ko jagati hain rulati hain so hum

aarzuon ki kifalat nahin karne wale

dasht mein ja ke phaTe kapDe pahan kar 'zoya'

hum to majnun ki qayaadat nahin karne wale