ishq tujhko kabhi hua hi nahin

ishq tujh ko kabhī huā hī nahīñ

kyā mirī jaan ye tabāhī nahīñ

jis ko māñgā thā umr-bhar ke liye

vo mujhe umr-bhar milā hī nahīñ

lāpata huuñ maiñ jis kī chāhat meñ

mujh ko us kā pata pata hī nahīñ

yuuñ achānak mujhe vo chhoḌ gayā

saath jaise kabhī vo thā hī nahīñ

zindagī haath joḌtī hai magar

kah rahā hai har ik sipāhī nahīñ

kyā tire paas muflisī hai batā

gar mire paas bādshāhī nahīñ

jo mire saath ho rahā hai yahāñ

mujh ko manzūr yā-ilāhī nahīñ

ishq tujh ko kabhi hua hi nahin

kya meri jaan ye tabahi nahin

jis ko manga tha umr-bhar ke liye

wo mujhe umr-bhar mila hi nahin

lapata hun main jis ki chahat mein

mujh ko us ka pata pata hi nahin

yun achanak mujhe wo chhoD gaya

sath jaise kabhi wo tha hi nahin

zindagi hath joDti hai magar

kah raha hai har ek sipahi nahin

kya tere pas muflisi hai bata

gar mere pas baadshahi nahin

jo mere sath ho raha hai yahan

mujh ko manzur ya-ilahi nahin