ishq wo mashk hai jo lakh chhupae na chhape

ishq vo mashk hai jo laakh chhupā.e na chhape

daaġh ham se bhī mohabbat ke lagā.e na chhape

jalva-gar jaise pas-e-abr mah-e-kāmil ho

ruḳh-e-zebā vo sitamgar na dikhā.e na chhape

husn ko hosh-rubā nīm-hijābī ne kiyā

vo kabhī saaf mire sāmne aa.e na chhape

bevafā.ī se vo apnī rahe munkir lekin

un kī āñkhoñ meñ base aks parā.e na chhape

sī liyā chāk-e-dahan raaz chhupāne ko magar

ashk āñkhoñ ne musalsal jo bahā.e na chhupe

shab-e-tārīk ne rakhā thā bharam kitnoñ kā

jab lagī aag ujālā huā saa.e na chhupe

ḳhauf-e-rusvā.ī rahā ḳhvāhish-e-qurbat bhī 'haqīr'

ham milā un se nigāhoñ ko na paa.e na chhape

ishq wo mashk hai jo lakh chhupae na chhape

dagh hum se bhi mohabbat ke lagae na chhape

jalwa-gar jaise pas-e-abr mah-e-kaamil ho

ruKH-e-zeba wo sitamgar na dikhae na chhape

husn ko hosh-ruba nim-hijabi ne kiya

wo kabhi saf mere samne aae na chhape

bewafai se wo apni rahe munkir lekin

un ki aankhon mein base aks parae na chhape

si liya chaak-e-dahan raaz chhupane ko magar

ashk aankhon ne musalsal jo bahae na chhupe

shab-e-tarik ne rakha tha bharam kitnon ka

jab lagi aag ujala hua sae na chhupe

KHauf-e-ruswai raha KHwahish-e-qurbat bhi 'haqir'

hum mila un se nigahon ko na pae na chhape