isi KHayal se dil ki rafu-gari nahin ki
isī ḳhayāl se dil kī rafū-garī nahīñ kī
vo jis ne zaḳhm diyā us ne maryamī nahīñ kī
tirā vajūd sarāsar hai multafit to phir
tire gurez ne kyuuñ ab talak kamī nahīñ kī
huā paḌā hai yūñhī kalba-e-nazar tārīk
ki aaj us ke sarāpā ne raushnī nahīñ kī
kahāniyoñ meñ hī milte haiñ kuchh nishāñ mere
guzār dī hai jo maiñ ne vo zindagī nahīñ kī
isi KHayal se dil ki rafu-gari nahin ki
wo jis ne zaKHm diya us ne maryami nahin ki
tera wajud sarasar hai multafit to phir
tere gurez ne kyun ab talak kami nahin ki
hua paDa hai yunhi kalba-e-nazar tarik
ki aaj us ke sarapa ne raushni nahin ki
kahaniyon mein hi milte hain kuchh nishan mere
guzar di hai jo main ne wo zindagi nahin ki
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
