isi libas isi pairahan mein rahna hai
isī libās isī pairahan meñ rahnā hai
use faqat mire sher-o-suḳhan meñ rahnā hai
tamām umr tirā haath mere haath meñ ho
tamām umr isī ik jatan meñ rahnā hai
vo ahl-e-husn haiñ ham se judā hai bazm un kī
ham ahl-e-fan haiñ hameñ ahl-e-fan meñ rahnā hai
hai terā aur mirā saath chand lamhoñ kā
phir is ke ba.ad kise anjuman meñ rahnā hai
kise milī hai yahāñ rāh-e-shauq meñ manzil
musāfiroñ ko hamesha thakan meñ rahnā hai
hamārā dard bhī us ke badan meñ ho 'rizvān'
jab us kā dard hamāre badan meñ rahnā hai
isi libas isi pairahan mein rahna hai
use faqat mere sher-o-suKHan mein rahna hai
tamam umr tera hath mere hath mein ho
tamam umr isi ek jatan mein rahna hai
wo ahl-e-husn hain hum se juda hai bazm un ki
hum ahl-e-fan hain hamein ahl-e-fan mein rahna hai
hai tera aur mera sath chand lamhon ka
phir is ke baad kise anjuman mein rahna hai
kise mili hai yahan rah-e-shauq mein manzil
musafiron ko hamesha thakan mein rahna hai
hamara dard bhi us ke badan mein ho 'rizwan'
jab us ka dard hamare badan mein rahna hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
