isi liye to takallum ka silsila nahin tha

isī liye to takallum kā silsila nahīñ thā

vo merā ban to gayā thā mirā huā nahīñ thā

tamām-umr sharīk-e-safar rahā vahī shaḳhs

qadam milā ke kabhī saath jo chalā nahīñ thā

maiñ dūsroñ kī hañsī to bahut uḌātā thā

ḳhud apne-āp pe lekin kabhī hañsā nahīñ thā

maiñ kaise kah duuñ ki vo shaḳhs mar gayā hai aaj

vo shaḳhs saañs to letā thā par jiyā nahīñ thā

kisī kī baat karūñ us kā zikr chhiḌ jaa.e

vo duur rah ke bhī mujh se kabhī judā nahīñ thā

mire ḳhudā tujhe ilzām de nahīñ saktā

ki sach to ye hai mirā tujh pe aasrā nahīñ thā

isi liye to takallum ka silsila nahin tha

wo mera ban to gaya tha mera hua nahin tha

tamam-umr sharik-e-safar raha wahi shaKHs

qadam mila ke kabhi sath jo chala nahin tha

main dusron ki hansi to bahut uData tha

KHud apne-ap pe lekin kabhi hansa nahin tha

main kaise kah dun ki wo shaKHs mar gaya hai aaj

wo shaKHs sans to leta tha par jiya nahin tha

kisi ki baat karun us ka zikr chhiD jae

wo dur rah ke bhi mujh se kabhi juda nahin tha

mere KHuda tujhe ilzam de nahin sakta

ki sach to ye hai mera tujh pe aasra nahin tha