isi mamure mein kuchh aise hain saudai bhi

isī māmūre meñ kuchh aise haiñ saudā.ī bhī

jin ke kaam aa na sakī terī masīhā.ī bhī

shukr hai aap ko mere liye zahmat na huī

lījiye kaT ga.ī merī shab-e-tanhā.ī bhī

baḌh sakī jis se na añgusht-ba-lab nādānī

usī manzil meñ nazar aatī hai dānā.ī bhī

allāh allāh re girāñ-jānī-e-bīmār-e-vafā

nā-tavānī bhī hai hairān tavānā.ī bhī

vo bhī tinkā na milā haath baḌhāyā thā jidhar

chhuT gayā haath se dāmān-e-shakebā.ī bhī

ham yahīñ baiThe rahe hasrat-e-pā-bos liye

chuum kar parda-e-dar bād-e-sabā aa.ī bhī

shā.irī ik dil-e-marhūm kā mātam hī nahīñ

chāhiye is meñ 'razā' fikr kī gahrā.ī bhī

isi mamure mein kuchh aise hain saudai bhi

jin ke kaam aa na saki teri masihai bhi

shukr hai aap ko mere liye zahmat na hui

lijiye kaT gai meri shab-e-tanhai bhi

baDh saki jis se na angusht-ba-lab nadani

usi manzil mein nazar aati hai danai bhi

allah allah re giran-jaani-e-bimar-e-wafa

na-tawani bhi hai hairan tawanai bhi

wo bhi tinka na mila hath baDhaya tha jidhar

chhuT gaya hath se daman-e-shakebai bhi

hum yahin baiThe rahe hasrat-e-pa-bos liye

chum kar parda-e-dar baad-e-saba aai bhi

shairi ek dil-e-marhum ka matam hi nahin

chahiye is mein 'raza' fikr ki gahrai bhi