isi nadamat se uske kandhe jhuke hue hain

isī nadāmat se us ke kañdhe jhuke hue haiñ

ki ham chhaḌī kā sahārā le kar khaḌe hue haiñ

yahāñ se jaane kī jaldī kis ko hai tum batāo

ki suitcasoñ meñ kapḌe kis ne rakhe hue haiñ

karā to lūñgā ilāqa ḳhālī maiñ laḌ-jhagaḌ kar

magar jo us ne diloñ pe qabze kiye hue haiñ

vo ḳhud parindoñ kā daana lene gayā huā hai

aur us ke beTe shikār karne ga.e hue haiñ

tumhāre dil meñ khulī dukānoñ se lag rahā hai

ye ghar yahāñ par bahut purāne bane hue haiñ

maiñ kaise bāvar karā.ūñ jā kar ye raushnī ko

ki in charāġhoñ pe mere paise lage hue haiñ

tumhārī duniyā meñ kitnā mushkil hai bach ke chalnā

qadam qadam par to āstāne bane hue haiñ

tum in ko chāho to chhoḌ sakte ho rāste meñ

ye log vaise bhī zindagī se kaTe hue haiñ

isi nadamat se us ke kandhe jhuke hue hain

ki hum chhaDi ka sahaara le kar khaDe hue hain

yahan se jaane ki jaldi kis ko hai tum batao

ki suitcason mein kapDe kis ne rakhe hue hain

kara to lunga ilaqa KHali main laD-jhagaD kar

magar jo us ne dilon pe qabze kiye hue hain

wo KHud parindon ka dana lene gaya hua hai

aur us ke beTe shikar karne gae hue hain

tumhaare dil mein khuli dukanon se lag raha hai

ye ghar yahan par bahut purane bane hue hain

main kaise bawar karaun ja kar ye raushni ko

ki in charaghon pe mere paise lage hue hain

tumhaari duniya mein kitna mushkil hai bach ke chalna

qadam qadam par to aastane bane hue hain

tum in ko chaho to chhoD sakte ho raste mein

ye log waise bhi zindagi se kaTe hue hain