isi ummid par hum shahr se bahar nikal aae

isī ummīd par ham shahr se bāhar nikal aa.e

ki is se ġhāliban sūrat koī behtar nikal aa.e

har ik manzar se bil-āḳhir ka.ī manzar nikal aa.e

hamāre hausloñ ke jab se bāl-o-par nikal aa.e

hamārī sachchī bātoñ kā koī haamī nahīñ Thahrā

tumhārī jhuuT kī tasdīq meñ lashkar nikal aa.e

ḳhushī kā bhī bharam rakkhā na ashkoñ ne sar-e-mahfil

tavaqqo to na thī in se magar bāhar nikal aa.e

abhī to aable maazī ke bhī phūTe nahīñ the 'shān'

ki mustaqbil ke itne zaḳhm phir dil par nikal aa.e

isi ummid par hum shahr se bahar nikal aae

ki is se ghaaliban surat koi behtar nikal aae

har ek manzar se bil-aKHir kai manzar nikal aae

hamare hauslon ke jab se baal-o-par nikal aae

hamari sachchi baaton ka koi hami nahin Thahra

tumhaari jhuT ki tasdiq mein lashkar nikal aae

KHushi ka bhi bharam rakkha na ashkon ne sar-e-mahfil

tawaqqo to na thi in se magar bahar nikal aae

abhi to aable mazi ke bhi phuTe nahin the 'shan'

ki mustaqbil ke itne zaKHm phir dil par nikal aae