itna bhi na saqi hosh raha pi kar ye hamein mai-KHana tha

itnā bhī na saaqī hosh rahā pī kar ye hameñ mai-ḳhāna thā

gardish meñ hamārī qismat thī chakkar meñ tirā paimāna thā

mahrūm thā soz-e-ulfat se jal jaane se begāna thā

fānūs ke andar sham.a rahī bāhar bāhar parvāna thā

mai-ḳhāne se ham ruḳhsat jo hue to aur hī kuchh mai-ḳhāna thā

ik kone meñ ḳhum rakhā thā ik goshe meñ paimāna thā

huuñ rang-e-mohabbat se vāqif huuñ soz-e-mohabbat se vāqif

gulzār meñ bulbul maiñ thā kabhī mahfil meñ kabhī parvāna thā

dāman meñ jo chun kar rakhtā thā sab jaib-o-garebāñ ke TukḌe

hoshyār vahī dīvāna thā dīvāna vo kab dīvāna thā

itna bhi na saqi hosh raha pi kar ye hamein mai-KHana tha

gardish mein hamari qismat thi chakkar mein tera paimana tha

mahrum tha soz-e-ulfat se jal jaane se begana tha

fanus ke andar shama rahi bahar bahar parwana tha

mai-KHane se hum ruKHsat jo hue to aur hi kuchh mai-KHana tha

ek kone mein KHum rakha tha ek goshe mein paimana tha

hun rang-e-mohabbat se waqif hun soz-e-mohabbat se waqif

gulzar mein bulbul main tha kabhi mahfil mein kabhi parwana tha

daman mein jo chun kar rakhta tha sab jaib-o-gareban ke TukDe

hoshyar wahi diwana tha diwana wo kab diwana tha