itna bhi nahin karte inkar chale aao
itna bhi nahin karte inkar chale aao
Akhgar Mushtaq Raheem Aabadi
MORE BYAkhgar Mushtaq Raheem Aabadi
itnā bhī nahīñ karte inkār chale aao
sau baar bulāyā hai ik baar chale aao
hoñ fāsle naqshoñ ke yā farq hoñ shahroñ ke
dil se to nahīñ duurī sarkār chale aao
ik muntazir-e-va.ada bedār to hai kab se
ho jaa.e muqaddar bhī bedār chale aao
andesha-e-rusvā.ī kyuuñ raah meñ haa.il ho
kar leñge zamāne ko hamvār chale aao
tā-chand vahī ranjish lillāh idhar dekho
lo jurm kā karte haiñ iqrār chale aao
be-kaifī-e-mausam kā ye uzr hai be-ma.anī
lag jā.eñge phūloñ ke ambār chale aao
is ābla-pā.ī meñ ḳhāroñ kī shikāyat kyā
kuchh ḳhaar bhī haiñ āḳhir haqdār chale aao
jab chal hī paḌe 'aḳhgar' phir fikr koī kaisī
jis tarah bane ab to sarkār chale aao
itna bhi nahin karte inkar chale aao
sau bar bulaya hai ek bar chale aao
hon fasle naqshon ke ya farq hon shahron ke
dil se to nahin duri sarkar chale aao
ek muntazir-e-wada bedar to hai kab se
ho jae muqaddar bhi bedar chale aao
andesha-e-ruswai kyun rah mein hail ho
kar lenge zamane ko hamwar chale aao
ta-chand wahi ranjish lillah idhar dekho
lo jurm ka karte hain iqrar chale aao
be-kaifi-e-mausam ka ye uzr hai be-mani
lag jaenge phulon ke ambar chale aao
is aabla-pai mein KHaron ki shikayat kya
kuchh KHar bhi hain aaKHir haqdar chale aao
jab chal hi paDe 'aKHgar' phir fikr koi kaisi
jis tarah bane ab to sarkar chale aao
- wada-e-farda
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
