itna ehsan aur karta kaun
itnā ehsān aur kartā kaun
mujh se baḌh kar mujhe samajhtā kaun
dīn-o-duniyā se māvarā thā maiñ
merī bātoñ pe kaan dhartā kaun
maiñ na hotā to yuuñ lab-e-dariyā
aabrū tishnagī kī rakhtā kaun
jo kisī ne likhā nahīñ vo harf
maiñ na likhtā to aur likhtā kaun
khoT mujh meñ to sab ne dekh liyā
apnā sonā magar parakhtā kaun
jis kī manzil ho ḳhvāb-e-dar-basta
us musāfir ke saath chaltā kaun
aa.ina apne rū-ba-rū rakh kar
maiñ na hañstā to mujh pe hañstā kaun
itna ehsan aur karta kaun
mujh se baDh kar mujhe samajhta kaun
din-o-duniya se mawara tha main
meri baaton pe kan dharta kaun
main na hota to yun lab-e-dariya
aabru tishnagi ki rakhta kaun
jo kisi ne likha nahin wo harf
main na likhta to aur likhta kaun
khoT mujh mein to sab ne dekh liya
apna sona magar parakhta kaun
jis ki manzil ho KHwab-e-dar-basta
us musafir ke sath chalta kaun
aaina apne ru-ba-ru rakh kar
main na hansta to mujh pe hansta kaun
- Book : Pakistani Adab (Pg. 552)
- Author : Dr. Rashid Amjad
- Publication : Pakistan Academy of Letters, Islambad, Pakistan (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
