itna koi jahan mein kabhu bewafa na tha

itnā koī jahāñ meñ kabhū bevafā na thā

milte hī mere mujh se ye dil āshnā na thā

ab juuñ sarishk ḳhaak se saktā nahīñ huuñ uTh

aage maiñ dil kī aañkh se itnā girā na thā

nāseh jo ye nasīhat-e-be-jā na maiñ sunī

ma.azūr rakh tū mujh ko mirā dil bajā na thā

marne kī tarah maiñ ne jo ye iḳhtiyār kī

dekhā to zindagī meñ mazā kuchh rahā na thā

jo kuchh kaheñ ye tujh ko 'yaqīñ' hai sazā tirī

banda jo tū butoñ kā huā kyā ḳhudā na thā

itna koi jahan mein kabhu bewafa na tha

milte hi mere mujh se ye dil aashna na tha

ab jun sarishk KHak se sakta nahin hun uTh

aage main dil ki aankh se itna gira na tha

naseh jo ye nasihat-e-be-ja na main suni

mazur rakh tu mujh ko mera dil baja na tha

marne ki tarah main ne jo ye iKHtiyar ki

dekha to zindagi mein maza kuchh raha na tha

jo kuchh kahen ye tujh ko 'yaqin' hai saza teri

banda jo tu buton ka hua kya KHuda na tha