itna yaqin rakh ki guman baqi rahe
itnā yaqīn rakh ki gumāñ baaqī rahe
ek zarā kār-e-jahāñ baaqī rahe
baaqī rahe yādoñ kī ik qaus-e-quzah
yaanī mirī jā-e-amāñ baaqī rahe
shorish-e-ḳhūñ raqs-e-junūñ ḳhatm na ho
qahqaha-e-ham-nafasāñ baaqī rahe
aatā rahe yuuñ hī sadā mausam-e-gul
silsila-e-dil-zadagāñ baaqī rahe
qāfla-e-ġham guzrāñ kī bhī sunā
hausla-e-ham-safarāñ baaqī rahe
qaid-e-qafas shor-e-nafas kis ke liye
kis ke liye rishta-e-jāñ baaqī rahe
āñkhoñ se chhin jaa.eñ ik ik ḳhvāb magar
us kī talab dil kā dhuāñ baaqī rahe
itna yaqin rakh ki guman baqi rahe
ek zara kar-e-jahan baqi rahe
baqi rahe yaadon ki ek qaus-e-quzah
yani meri ja-e-aman baqi rahe
shorish-e-KHun raqs-e-junun KHatm na ho
qahqaha-e-ham-nafasan baqi rahe
aata rahe yun hi sada mausam-e-gul
silsila-e-dil-zadagan baqi rahe
qafla-e-gham guzran ki bhi suna
hausla-e-ham-safaran baqi rahe
qaid-e-qafas shor-e-nafas kis ke liye
kis ke liye rishta-e-jaan baqi rahe
aankhon se chhin jaen ek ek KHwab magar
us ki talab dil ka dhuan baqi rahe
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
