اتنے ڈوب چکے ہیں یادوں کی کھائی میں

اتنے ڈوب چکے ہیں یادوں کی کھائی میں

بول نہیں سکتے ہیں کتنی گہرائی میں

خوش ہو جایا کرتے ہیں من ہی من اکثر

خود سے باتیں کر لیتے ہیں تنہائی میں

جب ہونے لگتا ہے کوئی درد سیانا

دھیان نہیں جاتا پھر جگ کی رسوائی میں

چاہے ملنے کا اوسر ہو یا بچھڑن کا

لوگ پرو لیتے ہیں ہم کو شہنائی میں

دیکھ لیا کرتے ہیں بچھڑے لمحوں کو ہم

اپنی کویتا میں غزلوں میں چوپائی میں

ہوتا ہے احساس کسی کا اب بھی نورنگؔ

خود کی پرچھائی میں اکثر پروائی میں