itne Duub chuke haiñ yādoñ kī khaa.ī meñ
bol nahīñ sakte haiñ kitnī gahrā.ī meñ
ḳhush ho jaayā karte haiñ man hī man aksar
ḳhud se bāteñ kar lete haiñ tanhā.ī meñ
jab hone lagtā hai koī dard siyānā
dhyān nahīñ jaatā phir jag kī rusvā.ī meñ
chāhe milne kā avsar ho yā bichhḌan kā
log piro lete haiñ ham ko shahnā.ī meñ
dekh liyā karte haiñ bichhḌe lamhoñ ko ham
apnī kavitā meñ ġhazloñ meñ chaupā.ī meñ
hotā hai ehsās kisī kā ab bhī 'naurang'
ḳhud kī parchhā.ī meñ aksar purvā.ī meñ
itne Dub chuke hain yaadon ki khai mein
bol nahin sakte hain kitni gahrai mein
KHush ho jaya karte hain man hi man aksar
KHud se baaten kar lete hain tanhai mein
jab hone lagta hai koi dard siyana
dhyan nahin jata phir jag ki ruswai mein
chahe milne ka awsar ho ya bichhDan ka
log piro lete hain hum ko shahnai mein
dekh liya karte hain bichhDe lamhon ko hum
apni kawita mein ghazlon mein chaupai mein
hota hai ehsas kisi ka ab bhi 'naurang'
KHud ki parchhai mein aksar purwai mein
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.