itne sahe hain gham ki main kaise karun hisab

itne sahe haiñ ġham ki maiñ kaise karūñ hisāb

ye she'r kah rahā huuñ ki kuchh rakh sakūñ hisāb

har har ghaḌī jo yaad meñ guzrī hai aap kī

in uñgliyoñ ke poroñ pe sab kā rakhūñ hisāb

lo aap mil ga.e haiñ hameñ yuuñ raqīb-sang

bas baiThiye maiñ aap kā kartā chalūñ hisāb

ham ne to kar ke dekh lī koshish yahāñ bahut

lekin rahā yahāñ pe vahī juuñ kā tuuñ hisāb

apne liye be-mausam-o-be-vaqt sab hai 'aam

apne nasīb kā hai baḌā vāzhgūñ hisāb

aa.e hisāb ham se jo karne malā.ika

ham ne kahā ki ahl-e-jahannum se kyoñ hisāb

duniyā hamārī yuuñ to jahannum se kam na thī

munkir-nakīr aap kā is par bhī yuuñ hisāb

itne sahe hain gham ki main kaise karun hisab

ye she'r kah raha hun ki kuchh rakh sakun hisab

har har ghaDi jo yaad mein guzri hai aap ki

in ungliyon ke poron pe sab ka rakhun hisab

lo aap mil gae hain hamein yun raqib-sang

bas baiThiye main aap ka karta chalun hisab

hum ne to kar ke dekh li koshish yahan bahut

lekin raha yahan pe wahi jun ka tun hisab

apne liye be-mausam-o-be-waqt sab hai 'am

apne nasib ka hai baDa wazhgun hisab

aae hisab hum se jo karne malaika

hum ne kaha ki ahl-e-jahannum se kyon hisab

duniya hamari yun to jahannum se kam na thi

munkir-nakir aap ka is par bhi yun hisab