اتنی اچھی اتنی پیاری زندگی
آئنے سی ہے تمہاری زندگی
رات کاٹی جیسے روشن شمع نے
اس طرح ہم نے گزاری زندگی
جب بھی اس نے چھوڑا ہے اپنا مدار
بن گئی ہے اک مداری زندگی
اک طرف صحرا کی بد کردار دھوپ
اک طرف باد بہاری زندگی
ہم کو ہے لعل و گہر کی آرزو
جب کہ مٹی ہے ہماری زندگی
کچھ مصائب میں بدن کے پیڑ کو
کاٹتی ہے بن کے آری زندگی
میرے ہاتھوں ایک دن ہوگی شکار
آدمیت کی شکاری زندگی
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
