itni achchhi itni pyari zindagi

itnī achchhī itnī pyārī zindagī

aa.ine sī hai tumhārī zindagī

raat kaaTī jaise raushan sham' ne

is tarah ham ne guzārī zindagī

jab bhī is ne chhoḌā hai apnā madār

ban ga.ī hai ik madārī zindagī

ik taraf sahrā kī bad-kirdār dhuup

ik taraf bād-e-bahārī zindagī

ham ko hai lā'l-o-guhar kī aarzū

jab ki miTTī hai hamārī zindagī

kuchh masā.ib meñ badan ke peḌ ko

kāTtī hai ban ke aarī zindagī

mere hāthoñ ek din hogī shikār

ādmiyyat kī shikārī zindagī

itni achchhi itni pyari zindagi

aaine si hai tumhaari zindagi

raat kaTi jaise raushan sham' ne

is tarah hum ne guzari zindagi

jab bhi is ne chhoDa hai apna madar

ban gai hai ek madari zindagi

ek taraf sahra ki bad-kirdar dhup

ek taraf baad-e-bahaari zindagi

hum ko hai la'l-o-guhar ki aarzu

jab ki miTTi hai hamari zindagi

kuchh masaib mein badan ke peD ko

kaTti hai ban ke aari zindagi

mere hathon ek din hogi shikar

aadmiyyat ki shikari zindagi