itni bhi dil se ehtiyat barq-e-jamal-e-yar kya

itnī bhī dil se ehtiyāt barq-e-jamāl-e-yār kyā

shauq-e-umīd-vār dekh tarf-e-umīd-vār kyā

kaisī ḳhushī kahāñ kā ġham kaisī ḳhizāñ bahār kyā

zindagī ek jabr hai jabr pe iḳhtiyār kyā

va.ade pe koī kyoñ jiye va.ade kā e.atibār kyā

kashmakash-e-hayāt hai maut kā intizār kyā

pahle bhī dil meñ dard thā aah na thī lab-āshnā

chhuT gayā haath se mire dāman-e-iḳhtiyār kyā

husn kī ibtidā nahīñ ishq kī intihā nahīñ

fikr kī vus.at-e-nazar qābil-e-e'tibār kyā

ek nazar kā kaam hai luuT le dil kī kā.enāt

ahd-e-shabāb-e-husn-o-ishq aa.egā baar baar kyā

rāh-e-ġham-e-firāq meñ maut kā aasrā na DhūñDh

jis meñ umīd-e-sub.h ho vo shab-e-intizār kyā

jhuum rahī hai har nazar mai-kada-e-surūr meñ

aaj fazā pe chhā ga.ī mastī-e-chashm-e-yār kyā

ek latīf aks hai apne ḳhayāl kā 'munīr'

shān-e-sukūt-e-ishq kyā jalva-e-be-qarār kyā

itni bhi dil se ehtiyat barq-e-jamal-e-yar kya

shauq-e-umid-war dekh tarf-e-umid-war kya

kaisi KHushi kahan ka gham kaisi KHizan bahaar kya

zindagi ek jabr hai jabr pe iKHtiyar kya

wade pe koi kyon jiye wade ka eatibar kya

kashmakash-e-hayat hai maut ka intizar kya

pahle bhi dil mein dard tha aah na thi lab-ashna

chhuT gaya hath se mere daman-e-iKHtiyar kya

husn ki ibtida nahin ishq ki intiha nahin

fikr ki wusat-e-nazar qabil-e-e'tibar kya

ek nazar ka kaam hai luT le dil ki kaenat

ahd-e-shabab-e-husn-o-ishq aaega bar bar kya

rah-e-gham-e-firaq mein maut ka aasra na DhunDh

jis mein umid-e-subh ho wo shab-e-intizar kya

jhum rahi hai har nazar mai-kada-e-surur mein

aaj faza pe chha gai masti-e-chashm-e-yar kya

ek latif aks hai apne KHayal ka 'munir'

shan-e-sukut-e-ishq kya jalwa-e-be-qarar kya