itni qimat-e-sham-e-safar dun ye nahin hoga

itnī qīmat-e-shām-e-safar duuñ ye nahīñ hogā

apne charāġh ko ḳhud gul kar duuñ ye nahīñ hogā

ab to merī kul tauqīr shajar hai aadhā

barq ko ye aadhā bhī shajar duuñ ye nahīñ hogā

hijr ko pas-andāzā kiyā hai mausam mausam

umr kī mehnat ġhārat kar duuñ ye nahīñ hogā

jā.ūñ jo us ke dar par dāman-e-jāñ phailā.e

vo patthar de aur maiñ sar duuñ ye nahīñ hogā

sach kī dhun meñ chāhe sāñseñ hī ruk jaa.eñ

saaz ko jhūTe soz se bhar duuñ ye nahīñ hogā

kam-zau lafz ko sūrat bhī duuñ miTTī bhī duuñ

ḳhud-rau lafz ko zer-o-zabar duuñ ye nahīñ hogā

mantiq-e-asr salīqa-e-harf-e-haq kyā jaane

vahshī ke qabze meñ tabar duuñ ye nahīñ hogā

merī ek ik shāḳh hai fazl-o-adal kī mīzāñ

chhāñv udhar duuñ dhuup idhar duuñ ye nahīñ hogā

itni qimat-e-sham-e-safar dun ye nahin hoga

apne charagh ko KHud gul kar dun ye nahin hoga

ab to meri kul tauqir shajar hai aadha

barq ko ye aadha bhi shajar dun ye nahin hoga

hijr ko pas-andaza kiya hai mausam mausam

umr ki mehnat ghaarat kar dun ye nahin hoga

jaun jo us ke dar par daman-e-jaan phailae

wo patthar de aur main sar dun ye nahin hoga

sach ki dhun mein chahe sansen hi ruk jaen

saz ko jhuTe soz se bhar dun ye nahin hoga

kam-zau lafz ko surat bhi dun miTTi bhi dun

KHud-rau lafz ko zer-o-zabar dun ye nahin hoga

mantiq-e-asr saliqa-e-harf-e-haq kya jaane

wahshi ke qabze mein tabar dun ye nahin hoga

meri ek ek shaKH hai fazl-o-adal ki mizan

chhanw udhar dun dhup idhar dun ye nahin hoga