اتنی رغبت سے نہ مل عشق کے بیماروں سے

اتنی رغبت سے نہ مل عشق کے بیماروں سے

آگ تجھ میں بھی بھڑک سکتی ہے انگاروں سے

کس کو مجھ دشت سے آسائش جاں پہنچے گی

کون خوش ہوتا ہے دنیا میں گنہ گاروں سے

دسترس میں تو بہت کچھ تھا مگر تیرے بعد

ہم نے خوشبو بھی خریدی نہیں بازاروں سے

تو نے دیکھا بھی نہیں آ کے دوبارہ مجھ کو

ایسے کرتا ہے بھلا کوئی وفاداروں سے

یہ تو ہم ہیں تری آنکھوں پہ مرے بیٹھے ہیں

ورنہ اب کوئی نہیں کھیلتا تلواروں سے

ہونٹ سے کان کی لو تک تمہیں چومیں گے کبھی

ہم تمہیں فتح کریں گے ترے ہتھیاروں سے